گرێ مرازان (گۆبەکلی تەپە)

لەسەر گردێک بەسەر دەشتی حەڕاندا، خەڵکانێک کە هێشتا بە ڕاو و کۆکردنەوە دەژیان، ستوونی بەردی کلسی بە شێوەی T یان تاشی — هەندێکیان لە پێنج مەتر بەرزترن — و لە بازنەی گەورەدا دایانناون. ڕێوی، بەراز، مار و داڵ لەسەر بەردەکان هەڵکەنراون؛ هەندێک لە ستوونەکان دەست و قۆڵیان هەیە، وەک ئەوەی پەیکەر بن.

گرێ مرازان نزیکەی شەش هەزار ساڵ لە ستۆنهێنج کۆنترە. دۆزینەوەی بیرۆکەیەکی کۆنی پێچەوانە کردەوە: لێرەدا وا دیارە شوێنی کۆبوونەوە یەکەم جار هات و ژیانی نیشتەجێبوون دوای ئەو. لە ساڵی ٢٠١٨ەوە لە لیستی میراتی جیهانیی یونسکۆدایە.

هەڵبژاردن و ناساندنی ئارام مزووری، تەلارساز لە هەولێر